In dat Book stellt Jens Jacobsen teihn Fabeln vun den greekschen Philosoph Aesop vör.

Wat is dat denn, so ene Fabel?
Fabel is en Woort ut de latiensche Spraak, dat steiht för ene korte Geschicht, vun de du wat lehren kannst. Allermeist speelt Deerten en Rull. De denkt un maakt allens so, as wi Minschen dat doot. To'n Bispeel is de Voss meist plietsch un listig un söcht jümmers sien Vördeel. Man af un an warrt he ok üm sien Vördeel bröcht, as dat bi De Voss un de Storch is.

Jens Jacobsen hett de Fabeln op Platt so trecht maakt, dat wi jem in Riemels hören, in Leder singen, as lütte Theaterstücken opföhren un ok in bunte Biller sehen köönt.